贏在射精前 你計掂條數未？

贏在射精前　你計掂條數未？

呢幾日最多人講的課題一定是贏在射精前，射精都可以贏？原來係講緊小朋友出世時有足夠配套都未得，早在你計劃生育之前，就要計準BB出世的月份！

因為現在幼兒院收生專收大B（亦即是年頭出生嬰兒），貪佢哋大個啲學嘢亦早及快過同年年尾出世的BB，所以年尾B要等到下一年先至可以入學，令到好多家長好煩惱，一來驚自己小朋友遲過同齡小朋友一年學嘢慢咗，二來父母要搵食想早啲交小朋友俾學校照顧。
兩公婆幾時先「適合」行埋都要有時間表？生仔呢家嘢唔係話你計到就有的，大把因素可以令人計唔掂呢條數。

1.每年機會率：
簡單講下，若女性於每生理周期的排卵期間，在沒避孕情況下發生性行為就有機會懷孕。女性每生理周期的排卵期大約一至兩日，而精子「活躍」在女性體內的時間亦最多是兩天，即是說精卵成功結合的日子前後只有大約5天。
女性生理周期短至28天的話，一年就大約有13次機會，如生理周期長至32天以上則一年只有大約11次機會成孕。

2.女性年齡機會率：
20歲左右的女士每個月的懷孕率約20-25%，遺傳基因異常率約1/1200，自發性流產率大約只有5-10%；30歲後，女士每個月的懷孕率會跌至15%，流產的風險提高到20%，到了三十五歲，每個月的生育力顯著下降至10%，而流產率亦增加至大約25%，得到唐氏症的風險約1/350；年齡超過四十歲的女士生育率每個月只有5%，就算經由試管受精，每次懷孕率也只有10%。

3.男性精子質素
一般來說性行為過密會減低精液中的精蟲數量，而性行為過疏則會減低精蟲的活躍能力，所以想「一擊即中」，事前就要計好疏密度，性行為大約一周兩至三次，好讓在排卵期出戰的那一批是精銳的部隊就對了。

4.生心理質素
撇除所有導致男女不育的身體問題以外，平日飲食生活習慣都對生育能力有重大影響，如女性身體缺乏維他命及葉酸，都會影響胎兒成形的機會率；而壓力亦是常見影響成孕機會的問題，因為當女性如心情放鬆並在親密時得到高潮，子宮在強烈收縮下能吸收更多精液，讓精子游入輸卵管增加受孕機會，同樣地，男性如有焦慮、受壓或緊張的情況下親密，維持勃起的硬度受影響，精液排出甚至性行為都會有阻礙。

只生一月b的話，機會率有幾高你自己計計了！

轉載: 蘋果日報 【網民hot talk】 22-JUN-2016